E-læringskurs om plikta til å hindre ei straffbar handling
Nasjonalt kunnskapssenter om vold og traumatisk stress (NKVTS) lanserer eit e-læringskurs om plikta til å hindre ei straffbar handling for tilsette i helse- og oppvekstsektoren. Du kan følgje lanseringa digitalt 24. april.
Alle har ei lovpålagt plikt til å hindre bestemte, alvorlege lovbrot som vald i nære relasjonar og valdtekt.
E-læringskurset om avverjeplikta går føre seg 24. april mellom 09.00-10.30. Det er moglegheit for både fysisk og digital deltaking, og det blir lagt ut opptak i etterkant.
Kurset er førebels laga for jordmødrer, legar, barnehagelærarar og lærarar. Andre som kan møte på vald eller overgrep i jobben sin, vil også kunne bruke og lære av situasjonane i verktøyet.
Meir informasjon og påmelding finn du på heimesida til NKVTS: Lansering av e-læringskurs om avvergingsplikten (§ 196) - NKVTS