Andre årsrapport frå overvakingsprogrammet i Florø er klar

STIM AS har på oppdrag frå Statsforvaltaren i Vestland gjennomført ei resipientundersøking av fjordområda rundt Florø. Undersøkinga omfattar 12 vassførekomstar, inkludert Hellefjorden, Botnafjorden, Norddalsfjorden, Skorpefjorden, Rekstafjorden og Florevika Gaddevågen. Overvakinga starta i 2023 og fortset i 2025, der hovedfokuset er på vasskvalitet gjennom målingar av næringssalter, hydrografiske forhold, siktedjup og klorofyll a.

Oppsummering

Resultata frå 2024 er i stor grad identiske med resultata frå 2023, noko som indikerar stabile miljøforhold i vassførekomstane rundt Florø. Oksygennivåa varierar mellom områda, der enkelte fjordar har lågare verdiar, særleg i vintermånadane. Nivåa av næringssalter er låge, og klorofyll a-dataene viser ei naturleg våroppblomstring av algar. Den endelege klassifiseringa av vassførekomstane vil vere fullverdig etter det tredje året med målingar i 2025.

Samanlikning av funn frå 2023 og 2024

Hydrografi og vassprøvetaking

• Siktedjup:

• 2023 og 2024 viste tilsvarande resultater, der dei fleste stasjonar hadde svært god (TK I) eller god (TK II) tilstand, med enkelte målinger i moderat (TK III).

• Salinitet og temperatur:

• Lite variasjon mellom stasjonar begge år. Enkelte stasjonar med lågare salinitet i overflata grunna ferskvasspåverknad.

• Oksygenforhold:

• Svært gode til gode oksygenforhold i Hellefjorden, Solheimsfjorden og Rekstafjorden begge år.
• Nokon områder (Norddalsfjorden og Høydalsfjorden sør) hadde dårlege oksygenforhold i botnvatnet gjennom året, truleg grunna grunne tersklar.
• Enkelte stasjonar hadde lågt oksygennivå i botnvatn i september, men gode forhold i april og januar begge år.
• Florevika Gaddevågen viste svært varierande oksygennivåer gjennom året både i 2023 og 2024.

Næringssalter og klorofyll a

• Næringssalter:

• 2023 og 2024 viste begge generelt låge konsentrasjonar av næringssalter, med nivåer tilsvarande svært god tilstand (TK I).

• Klorofyll a (fluorescensmålinger):

• Begge år viste låge klorofyllnivåer gjennom heile overvakingsperioden, med unntak av ein auke 20. mars, som sannsynlegvis skuldast naturleg våroppblomstring av algar.

Ein del av oversikten over miljøtilstanden i kystvatn i Vestland

Undersøkingane i Florø er ein del av eit større nettverk av overvakingsprogram i Vestland som skal gi ei samanhengande og omfattande oversikt over den økologiske og kjemiske tilstanden i kystvassførekomstane. Meir informasjon om dette arbeidet, og alle rapportane, finn du i nettsaka vår om overvaking av miljøtilhøva i kystvatn.