Oversikt over kurs for LIS1 hausten 2025

Her er ei oversikt over kurs for deg som skal vera LIS1 i Vestland hausten 2025:

• Kurs i akuttmedisin Nordhordland legevakt, (for LIS1 Hordaland og Gulen), 8.-9. september
• Kurs i akuttmedisin Helse Førde (for LIS1 i Sogn og Fjordane, minus Gulen), 10.-11. september
• Første grupperettleiing, i Sogndal, 1. oktober
• Kurs i offentleg helsearbeid, i Sogndal, 2.-3. oktober

Lokal rettleiar godkjenner læringsmål

Når det gjeld kurs i offentleg helsearbeid og grupperettleiingane, er det din lokale rettleiar som godkjenner læringsmåla i kompetanseportalen. Læringsmåla vil gå fram av kursbevisa du får frå Statsforvaltaren.  

Kurs i regi av Helfo om takstbruk og legemiddel

Helfo arrangerer digitalt kurs knytt til takstbruk og legemiddel (blå resept). De vil få tilsendt oversikt over datoar for kurset frå Helfo, og kan melda dykk på den datoen som passar best.   

Kurs i nødnett radiobrukar

Kommunane har ansvar for opplæring i nødnett. Helse Førde legg til rette for at de som tek kurs i akuttmedisin i Førde, får tilbod om kurs i bruk av nødnett før de byrjar i legevakt. Kurset i nødnett radiobrukar er 9. september ved Førde sentralsjukehus. Påmelding og informasjon om kurset finn de i Læringsportalen til Helse Førde. Statsforvaltaren dekkjer ikkje utgifter for deltakarane knytt til dette kurset.