Kurs for LIS1-rettleiarar i kommunehelsetenesta
Statsforvaltaren i Vestland dekkjer kursavgifta for LIS1-rettleiarar som ønskjer å melda seg på ALIS Vest sitt emnekurs i individuell rettleiing og supervisjon for allmennlegar.
Dette innhaldet er meir enn eitt år gammalt. Informasjonen kan derfor vere utdatert.
ALIS Vest arrangerer emnekurs i individuell rettleiing og supervisjon for allmennlegar. Dette kurset er òg relevant for LIS1-rettleiarar. Det vert arrangert to kurs i haust, eitt i Loen 3.-4. november med påmeldingsfrist 31. oktober, og eitt på Os 10.-11. november med påmeldingsfrist 28. oktober. Vi oppmodar særleg LIS1-rettleiarar som ikkje har delteke på kurs tidlegare til å melde seg på.
Føring av kursavgift
Vi dekkjer kursavgifta for LIS1-rettleiarar i kommunehelsetenesta som ønskjer å delta på eit av kursa. Merk at vi dekkjer kursavgift, men ikkje reise og opphald. Sjå rettleiing for «honorar og reiserekning for eksternt tilsette hjå Statsforvaltaren i Vestland» når det gjeld refusjon av kursavgifta (kvittering må ligge ved).