Over 81 millionar kroner til stillingar i barnevernet
I 2020 har Fylkesmannen i Vestland betalt ut 81 647 190 kroner i tilskot til det kommunale barnevernet. Dette finansierer i alt 108,5 stillingar.
Dette innhaldet er meir enn eitt år gammalt. Informasjonen kan derfor vere utdatert.
Den statlege styrkinga av stillingar i det kommunale barnevernet vart gjort i perioden 2011-2018. Tilskotsordninga vart vidareført i 2019 og 2020, men berre til stillingar som var oppretta frå før.
Vi kjem tilbake med informasjon om eventuelt tilskot for 2021. Etter planen skal denne tilskotsordninga innlemmast i kommuneramma i samband med barnevernsreforma som skal tre i kraft i 2022. Ordninga med øyremerkt tilskot vil då falle bort.
Tilskotet er tildelt over Barne- og familiedepartementet sitt kapittel 854 post 60 i statsbudsjettet.
Tabellen under viser korleis dei 108,5 stillingane er fordelt på barnevernstenestene.
| Bergen | 34,8 |
| Øygarden | 8 |
| Bjørnafjorden | 7,075 |
| Sunnhordland | 7 |
| Askøy | 6,5 |
| Sunnfjord | 4,7 |
| Alver | 4 |
| Hardanger | 3,975 |
| Voss | 3,9 |
| Kvinnherad | 3 |
| Osterøy | 2,6 |
| Kinn | 2,6 |
| Hafs *) | 2,3 |
| Stad | 2 |
| Gloppen | 2 |
| Sogn **) | 2 |
| Stryn | 1,5 |
| Tysnes | 1,5 |
| Austevoll | 1,5 |
| Bremanger | 1 |
| Sveio | 1 |
| Kvam | 1 |
| Høyanger | 1 |
| Gulen og Masfjorden | 1 |
| Vaksdal | 0,8 |
| Samnanger | 0,75 |
| Austrheim | 0,5 |
| Årdal | 0,5 |
| Vestland i alt | 108,5 |
*) Hyllestad, Askvoll, Solund, Fjaler
**) Luster og Sogndal
I fjor fekk Etne og Hornindal tilskot frå Fylkesmannen i Vestland. I år får desse to tilskot frå Fylkesmannen i Rogaland og Fylkesmannen i Møre og Romsdal.