Plan for forvaltningskontrollar i kommunane i 2023
Det er planlagt kontrollar innan forvaltning på området jord og skog som omfattar 13 kommunar i fylket.
Forvaltningskontrollane er knytt til oppgåva Statsforvaltaren har med å rettleia og følgja opp kommunane i forvaltinga av dei økonomiske verkemidla.
Kvart år utarbeidar Statsforvaltaren ein risikobasert kontrollplan som sikrar at vi nyttar ressursane rett i forhold til risiko, at vi over tid kontrollerer alle ordningane og at alle kommunane i fylket får kontrollbesøk.
Ein del av kontrollane vert gjennomført ved besøk i kommunen, og inneheld ein feltkontroll, medan nokre kontrollar gjennomførast som dokumentkontroll.
I 2023 vil Statsforvaltaren leggja vekt på vidareføring av arbeidet i kommunane med internkontrollen for dei økonomiske tilskotsordningane innan landbrukssektoren. Internkontrollen skal vere forankra og integrert i kommunen sitt styringssystem.
Med det utsende brevet vil vi varsla om kontrollane. I neste omgang vil vi ta kontakt for å avtala aktuelle tidspunkt for kontroll med kvar einskild kommune. Datoane vil deretter bli stadfesta med brev som òg gir fleire detaljar om tema, innhald og tidsplan.