Informasjonsbrev 11/2025 - uke 48

Produksjonstilskot – fristar/viktige datoar 

I perioden 30. oktober–23. desember skal 10 % av søknadene plukkast ut til kontroll. Fristane for saksbehandling går fram av saksbehandlingsrundskrivet, kapittel 2: 

• 23.desember– frist for å gjennomføre kontroll av 10 % av søknadene. Same dag er det frist for å saksbehandle søknadene og setje dei til førebels godkjent, eventuelt avvist/avslått. 
• 19.januar– frist for å setje søknader med etterregistrerte opplysningar til førebels godkjent, eventuelt avvist/avslått. 
• 1.februar– frist for å fatte vedtak med endeleg godkjenning. 
• 11.februar– hovudutbetaling. 

Agros – hugs frist for utbetalingar og godkjenning av vedtak 

Vi minner om at alle vedtak og utbetalingar som skal gjerast i Agros dette året, må vere gjennomførte før 8. desember. Vedtak må vere endeleg godkjende før denne datoen, ikkje berre sende til godkjenning. 

Tilskot til drenering

Vi ser at det framleis står att dreneringsmidlar hos fleire kommunar som ikkje er tildelt, ref fristen 8.12. For å sikre at midlane blir brukte og at vi kan innvilge fleire søknader, ber vi om at kommunane gjev melding dersom det er midlar som kan fordelast vidare til andre kommunar. Det er stort behov for dreneringsmidlar, og det er viktig at vi viser at tildelte midlar faktisk kjem til nytte. 

Søknadsfrist for tilskot til naturprosjekt 

Fristen for å søkje om tilskot frå Miljødirektoratet til naturprosjekt er 15. januar. Miljødirektoratet deler kvart år ut midlar til gjennomføring av ulike naturtiltak som er til fordel for naturen – mellom anna skjøtsel av slåttemark/slåttemyr, etablering av blomsterenger, fjerning av framande artar, restaurering av natur, informasjonstiltak, kommunedelplanar for naturmangfald og kartlegging av natur. Sjå meir nyheitssaka vår om å søke tilskot til tiltak for å vareta naturen. 

Bruk Veibanken i ØKS for å registrere tilskotsbehov til skogsvegar 2026 

Landbruksdirektoratet skriv: Veibank skal nyttast for å synleggjere tilskotsbehov for tilskot til skogsvegar. Dei vil bruke dette som grunnlag for tildeling av tilskot til fylka. Det betyr at Statsforvaltaren òg vil bruke dette som eit viktig grunnlag for å tildele tilskotsramme til kommunane. 

Landbruksdirektoratet fastset ramma for tilskot til fylka rundt midten av desember. Difor må alle kommunar ha registrert vegar med behov for tilskot i 2026 seinast i starten av desember. Berre vegar som har status Byggjesøknad oppretta, eller høgare status, blir rekna med i tilskotsgrunnlaget. Dersom status berre er oppretta, vil dei ikkje bli ikkje tekne med. 

Miljø- og landbrukstimen er nå lansert! 

Over 90 personar deltok på lanseringa av Miljø- og landbrukstimen i dag, 26. november. Temaet var fornybar energi i kommunal planlegging. Miljø- og landbrukstimen vil frå 2026 arrangert kvar første onsdag i månaden kl. 9.00-10.00, og målgruppa er kommunale fagpersonar innafor miljø, landbruk og plan. Meir informasjon om møteserien her. Ønsker du kalenderinnkalling til heile møteserien? Send e-post til inga.blasterdalen@statsforvalteren.no  

Korleis går det med fuglane i jordbrukslandskapet – og kva kan vi gjere for å ta vare på dei? Nettseminar 8. desember 

I 2023 innførte vi regionalt miljøtilskot for tilrettelegging av hekke- og beiteområde for fuglar på jordbruksareal, basert på at det blir inngått avtalar med oss om tiltak på førehand. I dette seminaret vil vi først sjå på det store biletet – korleis det går med fuglane i jordbrukslandskapet og kva som kan gjerast for å betre forholda for artar i tilbakegang. I tillegg oppsummerer vi erfaringar frå årets sesong for dei lokalitetane der vi har inngått avtalar.

Eksterne innleiarar er Frode Falkenberg frå BirdLife Norge og Anne Gri Henriksen frå Dokkadeltaet våtmarkssenter og BirdLife Hadeland, eventuelt ein gardbrukar som har gjennomført tiltak.

Seminaret er ope for alle utan påmelding, og ein deltek ved å klikke på lenka på arrangementet i kurskalenderen vår: Hvordan går det med fuglene i jordbrukslandskapet - og hva kan vi gjøre for å ta vare på dem? 

Fagkonferanse om Bondens nettverk 21. januar 2026 

Bondens nettverk er nå etablert i mange kommunar i Innlandet, medan nokre kommunar er i startgropa for etablering. Uansett om nettverket er «nytt eller gamalt», er det behov for fagleg påfyll og inspirasjon for å halde drifta i gang. Den 21. januar blir det fysisk samling på Hamar, nettopp med mål om å gje fagleg påfyll og inspirasjon for alle som er involvert i eit Bondens nettverk.

Landbrukskontoret i kommunen er ofte navet i nettverket, og det er fint om landbrukskontora kan dele invitasjonen med folk i sitt Bondens nettverk.

For meir informasjon sjå Fagkonferanse om Bondens nettverk | Statsforvalteren i Innlandet

Påmeldingsfrist: 5. januar 2026

Eigarskiftekurs i landbruket 

Innlandet Bondelag arrangerer to eigarskiftekurs i 2026: 

• 10.-11. januar 2026 på Thon Hotel Elgstua, Elverum
• 14.-15. februar 2026 på Scandic Hafjell, Øyer

Meir informasjon om kursa finn de her: Eigarskiftekurs i landbruket – anbefalast for heile familien – Norges Bondelag 

Framtidsretta landbruk v/Grønt kompetansesenter Mære og Skjetlein 

Syner til tidlegare kommuneinfo. Eitt nettseminar står att: 

* 3 desember kl. 10-11: Biokull – Det nye gullet? Bygging av anlegg på Mære og praktisk bruk. 

Webinaret er gratis og ope for alle interesserte. Påmelding og meir informasjon: www.gkms.no 

Forskingsprosjekt hos NIBIO: Den digitale utmarka 

NIBIO er med i eit internasjonalt nettverksprosjekt – DIGI-Rangeland (Den digitale utmarka) – saman med 10 andre land i Europa: www.digirangeland.eu

NIBIO ønskjer å sende ut ei spørjeundersøking til utmarksbeitebrukarar (+ rådgivarar, studentar, veterinærar, forskarar m.fl.) i Noreg.

NIBIO vender seg difor til kommunane med ei vennleg førespurnad om kommunane kan sende spørjeundersøkinga vidare til aktuelle beitebrukarar i kommunen (storfe og småfe).  

Målet med spørjeundersøkinga (og prosjektet) er å få betre forståing av behov, forventningar og flaskehalsar som bønder og andre som arbeider i utmarksbeitenæringa opplever.

Spørreundersøkinga finn du her.

Ønsker du oversikt over de tidligere sakene fra infobrevene våre? Se oversiktssiden vår Informasjon til kommunal landbruksforvaltning. Her kan du også melde deg på infobrevene våre.