Laksefisket i fylket på historisk botnnivå

– Fleire elver stengte fisket tidleg. Det påverkar fangstresultatet. Gytefiskteljingar tyder på at dette var nødvendig for å sikre nok gytefisk i dei fleste elvane. Sjølv med strenge tiltak vart det ikkje nok gytefisk i fleire elver, seier Geir Moen, seniorrådgivar hos Statsforvaltaren i Møre og Romsdal.

Han meiner at situasjonen er dramatisk

– Vi har eit stort tilbakesteg for mellom anna reetablering av laks i elvene i Raumaregionen, der situasjonen såg mykje lysare ut for eit par år sidan. Elvene i Romsdalsfjorden var særskilt svake med berre nokre titals laks fiska i dei beste elvene. Nordmørselvene hadde også ein svært dårleg laksesesong.  

Moen fortel at også Sunnmøre har fleire sterkt reduserte bestandar, med enkelte lyspunkt der det var nok gytelaks.

– Størst fangst var det i Strandaelva med 348 laks på 1123 kilo. I vekt var Driva i Sunndal nummer to med 618 kilo og Vikelva på Bjørke nummer tre med 544 kilo. Åheimselva i Vanylven var nummer to i talet på fiska laks med 201 laks på 411 kilo.

Færre overlever i sjøen

– Hovudårsaka til den store tilbakegangen er at færre laks overlever i sjøen. I følgje Vitenskapelig råd for lakseforvaltning er lakselus den største menneskeskapte trusselen mot både laks og sjøaure. For laks spelar også andre tilhøve ute i havet inn. Det er viktig med effektive tiltak som reduserer den negative påverknaden på villfisk frå lakselus, samstundes som vi tek godt vare på vassdraga våre, seier Moen.

Figur: Laksefiske i elv og sjø i Møre og Romsdal i vekt (kilo) i perioden 1983-2024. I 1989 vart det forbod mot drivgarnfiske i sjøen. Det reduserte sjølaksefisket betydeleg. I 2021 vart kilenotfisket stengt i alle fjord- og kystområde med unntak av Sunndals-, Tingvoll-, Bergsøy- og Batnfjorden ut til Krifast. Kjelde: Statsforvaltaren/SSB.

Stabilt låg fangst av sjøaure
Sjøaurefangsten i fylket kom på 2,2 tonn mot 3,0 tonn i 2023. Det vart avliva 0,9 tonn og gjenutsett 1,3 tonn. Driva hadde størst sjøaurefangst med 179 sjøaurar på 446 kilo (178 stk. gjenutsett).

Fangstrapportering

I 2024 var 65 elver i fylket opne for fiske etter laks og/eller sjøaure. Alle leverte fangstrapport (www.fangstrapp.no).

– Denne statistikken gir i lag med registreringar av gytebestandane verdfull kunnskap om bestandssituasjonen i det enkelte vassdrag, og gode føringar for vidare forvaltning, seier Geir Moen.

Fangst i vassdraga i 2024 (kilo)

LAKS:

Nedanfor er ei oversikt over dei 10 vassdraga med størst rapportert fangst av laks (avliva + utsett) i 2024. Tala viser totalt kilo laks, og tala i parentes tal i kilo avliva laks/tal i kilo utsett laks.

Fangst i vassdraga i 2024 (tal laks)

LAKS: Nedanfor er ei oversikt over dei 10 vassdraga med størst rapportert fangst av tal laks (avliva + utsett) i 2024. Tala viser totalt tal laks, og tala i parentes tal avliva laks/tal utsett laks.