Informasjonsbrev veke 09/2026

RMP 2025 - Behandling av søknader 

Vi minner om at saksbehandlarar i kommunen ikkje skal «endeleg godkjenne»  
RMP-søknader i perioden 14. februar til 12. mars. Det er svært viktig at alle saksbehandlarar er kjende med dette, slik at utbetalinga kan gjennomførast på ein enkel og korrekt måte.  

Søkjarar vil få vedtaksbrev om tilskotet i løpet av perioden 23. februar – 2. mars.  
Sjølve tilskotet vil bli utbetalt til søkjar sin konto 12. mars. 

Kontaktperson: Andreas Lilleheier Aarset 

Midlar til kommunale jordvernstrategiar – søknadsfrist 15. april 

Landbruksdirektoratet har lyst ut midlar for å utarbeide kommunal jordvernstrategi, med søknadsfrist 15. april. Målgruppa for tilskotsordninga er kommunane. Kommunar der det er stort utbyggingspress på jordbruksareal og som snart skal rullere kommuneplanen, vert høgt prioritert. 

Meir informasjon og søknadsskjema finn du på Landbruksdirektoratet sine nettsider. Her finnast også eksempel på kommunale jordvernstrategiar. 

Kontaktperson: Tormod Meisingset 

Webinarrekkje vår 2026-   i regi av Seksjon for kulturmiljø og friluftsliv hjå fylkeskommunen  

Seksjon for kulturmiljø og friluftsliv hjå Møre og Romsdal fylkeskommune har laga ei webinarrekkje som kan vere interessant for alle som arbeider med landbruksforvaltning og tilskotsordningar (SMIL, UKL og verdsarv). Webinara er opne for alle som er interesserte, både privatpersonar og offentleg tilsette. Sjå Program for våren 2026 

 Ein må melde seg på kvart enkelt webinar. Meir informasjon om og påmelding til webinara blir lagt ut forløpande på kalenderen til Møre og Romsdal fylkeskommune: Kalender Møre og Romsdal fylkeskommune