Tilskot ved produksjonssvikt

Klimaavhengig produksjonssvikt kan oppstå som følgje av vêrforhold som tørke, kraftig nedbør eller flaum. I slike tilfelle blir produksjonssvikten vanlegvis berekna ut frå den faktiske mengda som er produsert, uavhengig av kvaliteten.

For frukt og bær kan det likevel også takast omsyn til kvalitetsdegradering, til dømes skadar forårsaka av hagl, store nedbørsmengder eller frost.

Slike vêrhendingar kan skape utfordrande forhold både for vekst og innhausting.

Meir informasjon for ordninga på Landbruksdirektoratet si heimeside.

Varsel om mogeleg produksjonsvikt

For å kunne søkje om tilskot til produksjonssvikt må du melde frå så snart du fattar mistanke om produksjonssvikt. Kommunen skal ha høve til å kontrollere skadeårsaka. Du må kunne dokumentere årsaka til skade og forsøke å  avgrense tapet mest mogleg.

Send varsel om mogleg produksjonssvikt

Det vert stilt krav om at avlinga blir hausta. Unntaksvis kan ein gje tilskot ved produksjonssvikt for uhausta areal. Dette er berre mogeleg når kommunen, etter kontroll på bruket, har godkjent manglande hausting og vurdert kor stor avling som står uhausta.

Søknad - søknadsfrist 31. oktober

Det er eit vilkår for å kunne få tilskot ved produksjonssvikt at du har gitt kommunen melding om skade. Avlinga i skadeåret må vere mindre enn 70 prosent av gjennomsnittssavlinga for vekstgruppa for å utløyse grunnlaget for tilskot. Det vil seie at det er ein eigen risiko på 30 prosent.

Det kan søkjast tilskot for følgjande vekstgrupper

-              grovfôr
-              korn og anna frø til modning
-              frukt
-              bær
-              poteter
-              grønsaker

Alt fulldyrka og overflatedyrka jordbruksareal føretaket har fått godkjent produksjons-tilskot for i aktuell vekstgruppe i skadeåret inngår i berekninga.

Send søknad om tilskot ved produksjonssvikt
Ved digital søknad får du ei kvittering i innboksen din i Altinn.