Ny bustadsosial lov frå 1. juli
Lova skal førebygge bustadsosiale utfordringar. Den skal bidra til at vanskelegstilte på bustadmarknaden får bistand til å skaffe seg og behalde ein bustad.
Lova vidarefører og presiserer pliktene kommunane har i dag gjennom medverknadsansvaret i sosialtenestelova § 15 og helse- og omsorgstenestelova § 3-7.
Kommunen må vurdere bistand
Lova gir ikkje enkeltpersonar rett til bustad. Den presiserer at kommunen må ta stilling til om personar som søkjer eller ber om bistand er vanskelegstilt på bustadmarknaden.
Kommunen sin avgjersle om å gi eller avslå bistand er eit enkeltvedtak. Statsforvaltaren er klageinstans i desse sakene.
Kommunen skal ha oversikt over behov
Kommunane har plikt til å ha oversikt over behovet for både ordinære og tilpassa bustader for vanskelegstilte på bustadmarknaden. Denne oversikta skal inngå i grunnlaget for kommunane sin planstrategi.
For meir informasjon kan du sjå Husbanken sitt webinar om den nye lova.