Verdsdagen for førebygging av sjølvmord 10.september
I Molde arrangerte Statsforvaltaren i Møre og Romsdal i samarbeid med RVTS-midt, KBT og Statsforvaltaren i Trøndelag ein fagdag for frivillige og tilsette i lag, foreiningar og kommunar. Med moglegheit for både fysisk oppmøte på Alexandra hotell i Molde og strøymt program, nådde informasjonen ut til godt over hundre engasjerte medarbeidarane og frivillige i heile regionen.
På verdsdagen for sjølvmordsførebygging 10. september vart betydninga av å førebyggja sjølvmord som er eit av våre viktigaste folkehelseproblem satt på dagsorden. Trass i auka innsats og engasjement får me ikkje tala ned. I 2024 tok 727 menneske sitt eige liv i Noreg. Dette sjølv om handlingsplanen for førebygging av sjølvmord 2020-2025 no er inne i siste år. Fagdagen hadde medborgarperspektivet med frivilligheit og førebygging i sentrum, men også erfaringar og kunnskap om korleis møta sjølvmordet og bidra med sorgstøtte når sjølvmordet har skjedd.
Årsakene til sjølvmord er samansette, og krev innsats på ei rekkje område, både i og utafor helse- og omsorgstenestene. Regjeringa startar no arbeidet med ein ny og spissa handlingsplan, med auka merksemd på samanhengen mellom økonomi og sjølvmord og med eit tydeleg kjønns- og mangfaldsperspektiv.
Kristi Garte og Hektor Hovgaard fortalte om sine erfaringar og arbeidet som blir gjort rundt ungdomsmiljøet i Averøy kommune. (Foto:R.Naas)
Kontaktpersonar
-
Ragnhild Naas
Tlf: 71 25 85 07