English Norsk (nynorsk) Davvisámegiella Åarjelsaemiengiele

Nyheter

Statsbudsjettet for 2023

Regjeringa Støre har lagt fram Statsbudsjettet for 2023 i dag. Sterk kostnadsvekst og lågare inntekter gir samla sett ein realnedgang for kommunane, samanlikna med nivået i revidert nasjonalbudsjett 2022.

06.10.2022
Illustrasjonsbilete av ei snødekt hytte i vinterlandskap.

Kan du flytte til hytta – og få straumstøtte?

For å nytte fritidsbustad som heilårsbustad, må du søke om bruksendring. Dersom hytta ligg i eit område som er sett av til fritidsbusetnad, vil det ikkje vere lovleg å nytte hytta som heilårsbustad.

05.10.2022

Vil du hjelpe einslege mindreårige asylsøkjarar?

Vi treng fleire representantar for einslege mindreårige asylsøkjarar i Stord kommune og området rundt.

04.10.2022

Atomberedskap i landbruket

I tilfelle radioaktivt utslepp frå til dømes atomkraftverk i Ukraina, kan det bli svært aktuelt å sende ut varsel om tiltak som må gjennomførast på kort tid. Det er derfor lurt å kjenne til dette og å planlegge på førehand.

03.10.2022
Stad er truleg det mest vêrharde kystavsnittet i landet vårt, og eit marint verneområde her vil kunne omfatte vern av sjøbotnen, vassøyla og overflata. Føremålet er å ta vare på eit spesielt kystområde med truga, sjeldan og sårbar natur med eit rikt dyreliv. På biletet framfor barna ser vi Sildegapet med Kråkenes fyr i bakgrunnen.

Vi tilrår vern av Stad som marint verneområde

Stad har store naturverdiar det er viktig å ta vare på for framtidige generasjonar, og det har vore eit unikt lokalt engasjement for å auke omfanget av vernet. Vi tilrår at kystområdet rundt Stad får status som marint verneområde. 

30.09.2022

Tilsyn avdekte alvorlege manglar i oppfølging frå barnevernet

Statsforvaltaren har avdekt alvorlege manglar knytt til mottak og oppfølging av bekymringsmelding i barneverntenesta i Bergen kommune. Det viser tilsynssaka etter at eit barn blei funne skadd i ei leilegheit i Bergen.

29.09.2022
Statsborgarseremoni i Førde

Velkomen som ny norsk statsborgar!

Statsforvaltaren har som oppgåve å arrangere seremoniar for nye norske statsborgarar, og denne helga vart det ikkje mindre enn fire seremoniar: to i Førde og to i Bergen.

27.09.2022

Leve heile livet-konferansane

«Frå samarbeid til samskaping», er den raude tråden på Leve heile livet-konferansane i Vestland denne hausten.

27.09.2022

Tilsynssak avdekte at barn ikkje fekk forsvarleg oppfølging

Statsforvaltaren har avdekt svikt i samhandling internt i helse- og barnevernstenestene i Bergen, og med den offentlege tannhelsetenesta, etter at to sysken ikkje fekk den oppfølginga dei hadde rett til. Behovet for hjelp vart først avdekt når situasjonen vart akutt.

22.09.2022

Situasjonen i Ukraina og konsekvensar i Noreg ved eit utslepp

Krigen i Ukraina gjer at situasjonen tidvis er uoversiktleg og ustabil når det gjeld tryggleiken omkring kjernekraftverka i landet. Eit utslepp av radioaktive stoff i Ukraina, vil ikkje føre til akutt fare for folk i Noreg. Avstanden er så stor at utsleppet vil fortynnast kraftig før det kjem hit.

22.09.2022