Kunngjering av løyve til Oddvar Flatebø Maskinutleie AS
Oddvar Flatebø Maskinuleie AS har fått løyve etter forureiningslova til mottak av brukt asfalt på industriområdet på Tongane i Etne kommune på gards- og bruksnummer 32/191.
Offentleg innsyn
Lenke til løyvedokumenta finn du på høgre sida på denne nettsida.
Merknader til søknaden
Alle som miljøulemper frå aktiviteten særleg vil gjelde for, eller andre som tek i vare ålmenne interesser her som saka gjeld, kan klage på vedtaket eller vilkår til løyvet. Ein eventuell klage bør innehalde ei skriftleg grunngjeving og kva de ønskjer å endre. I tillegg skal andre opplysningar som kan ha noko å seie for saka, kome fram. Klagefristen er tre veker frå denne kunngjeringa. Ein eventuell klage skal adresserast til Miljødirektoratet og sendast i brev til Statsforvaltaren i Vestland, Statens hus, Njøsavegen 2, 6863 Leikanger, eller som e-post til sfvlpost@statsforvalteren.no innan 20.4.2024.