Kunngjering av løyve til anleggsarbeid - Utbetring av farleia i Langøysundet i Askvoll kommune for Bue Salmon AS
Statsforvaltaren i Vestland gav den 11. mail 2026 Bue Salmon AS løyve etter forureiningslova til mudring og undervassprenging i Langøysundet i Askvoll kommune.
Bue Salmon AS planlegg mudring og undervassprenging over eit areal på 31 575 m^2 og eit volum på 93 743 m^3. Formålet med tiltaket er å utbetre farleia i Langøysundet slik at brønnfartøy av relevant storleik kan kome til på Bue Salmon sitt anlegg i Gjørøy i Askvoll kommune.
Statsforvaltaren har gjeve løyve etter forureiningslova med vilkår for utføring av anleggsarbeida.
Tiltaket er planlagt gjennomført i perioden 1. august til 31. desember 2026, og er vurdert til å vare i 3 månader.
Informasjon
Løyve med vilkår og søknad om løyve ligg til høgre på denne sida.
Løyvet ligg også på www.norskeutslipp.no.
Rett til å klage
Partane som er involvert i saka og andre med særlege interesser, kan klage på vedtaket innan fire veker. Klaga skal sendast til Statsforvaltaren, som kan gjere om vedtaket eller sende klaga vidare til Miljødirektoratet. Merk klaga med referansenummeret 2019/7622.