Endra løyve etter forureiningslova til anleggsarbeid - ny flomtunnel Aurland 1 koblingsstasjon
Statsforvaltaren endra 29. juli 2026 Hafslund kraft sitt løyve etter forureiningslova til anleggsarbeid i sjø. Formålet med tiltaket er etablering av ca. 380 m lang flaumtunnel for å sikre Aurland 1 koplingsstasjon mot ekstremflaum i Grimsetelvi.
Endringa gjeld utsleppsgrense for suspendert stoff. Statsforvaltaren sette ei utsleppsgrense på 200 mg/l for suspendert stoff. Tiltakshavar søkte om ei grense på 100 mg/l suspendert stoff.
Statsforvaltaren vurderer den omsøkte endringa som akseptabel. På grunn av plassmangel ved øvre påhugg er det krevande å nå ei utsleppsgrense på 100 mg/l SS utan bruk av kjemikaliar. Ved å tillate 200 mg/l SS ut frå sjølve reinseanlegget, kan tiltaket gjennomførast med ei enklare reinseløysing.
Løyve med vilkår ligg til høgre på denne sida.
Løyvet ligg også på www.norskeutslipp.no.
Rett til å klage
Partane som er involverte i saka og andre med særlege interesser, kan klage på vedtaket innan fire veker. Klaga skal sendast til Statsforvaltaren, som kan gjere om vedtaket eller sende klaga vidare til Miljødirektoratet. Merk klaga med referansenummeret 2026/2819.