Ny forskrift om kommunen som forureiningsstyresmakt
Klima- og miljødepartementet har fastsett forskrift om kommunen si myndigheit etter forureiningslova. Kommunane får ikkje ny myndigheit eller oppgåver.
Dette innhaldet er meir enn eitt år gammalt. Informasjonen kan derfor vere utdatert.
Publisert 22.01.2025
Forskrifta trådde i kraft 1. januar 2025. Ho erstattar delegeringar gjort i KLDs rundskriv T-5/98 Kommunen si myndigheit og plikter etter forureiningslova og delegeringar som følgjer av brev og enkelte forskrifter. Forskrifta gir ei samla oversikt over kommunen si myndigheit etter forureiningslova.