Kommunane skal melde inn nye tiltak for betre vasskvalitet

God lokal kunnskap og samarbeid med vassområdekoordinator er viktig for å få treffsikre tiltak. Kommunane gjer ein viktig jobb i dette arbeidet med å sikre god vasskvalitet i Vestland! 

Hovudpunkta i informasjonen er:

• Kommunane må prioritere tiltak som reduserer avrenning frå landbruk og betrar tilstanden i påverka vassdrag. Vi peikar på tiltak som kan vere særleg aktuelle i Vestland.
• Det er viktig at kommunen tek tak i ureining frå spreidd avløp og sikrar  ei planmessig og framoverretta oppgradering av både spreidde og kommunale avløpsanlegg.
• Gode rutinar i byggesaker for landbruksbygg kan førebyggje forureining.
• Restaurering av vassdrag bør vurderast særleg der det finst sårbare artar.

Les meir i informasjonsbrevet om vasstiltaksarbeidet, med utfyllande vedlegg om avløp, landbruk og aktuelle tiltak.