Fordeling av klima- og miljømidlar for 2022
Midlane til fylkesvise prosjekt i Vestland frå Klima- og miljøprogrammet er fordelte for 2022. Prosjekt som styrkar kunnskapsgrunnlaget om klimavennleg driftspraksis vart prioriterte.
Dette innholdet er mer enn ett år gammelt. Informasjonen kan derfor være utdatert.
Statsforvaltararen tildeler kvart år midlar til praktisk retta utgreiings- og informasjonsprosjekt som fører til auka kunnskap om utfordringar og tiltak innan:
* klimatilpassing
* klimagassutslepp
* jord
* naturmangfald og kulturminne i kulturlandskapet
* forureining til vatn, jord og luft
Prosjekta skal medverke til god kunnskapsoverføring frå forsking til praktisk jordbruk og gje oppdatert rådgiving til næringa.
I år fekk vi 7 søknadar med eit samla søknadsbeløp på 1,3 mill. kroner. Av desse vart fem søknadar prioriterte for tilskot. Tilskota ligg i spennet mellom 30 000 og 400 00 kroner, og utgjer til saman 801 000 kroner.
Desse prosjekta har fått støtte:
| Prosjekt | Søkar |
| Skilting i det freda kulturmiljøet Havrå | Stiftinga museumssenteret i Hordaland |
| Beste klimapraksis sau 2022 - 2023 | NLR Vest |
| Potensiale i bruk av seksjonskontroll på mineralgjødselspreiar i Vestlandslandbruket | NLR Vest |
| Kurs i Holistic Management/regenerativt landbruk i Vestland fylke | NLR Vest |
| Karbonlagring i eng ved ulik drift og gjødsling | NIBIO Fureneset |