Digital fagsamling for leiarar og tilsette i barnevernstenestene i Vestland

Statsforvaltaren vil halde innlegg om nokre av endringane i barnevernslova og velferdslovene. Vi inviterer også kompetansemiljøa, brukarorganisasjonane og Barne, ungdoms-, og familieetaten (Bufetat) til å halde innlegg om siste nytt på sine felt. Vi legg ut program så snart det er klart. For å delta på samlinga, må du melde deg på nedst på denne sida.

Samlinga tek sikte på å bidra til erfaringsutveksling mellom kommunane i Vestland. Som ein del av ei stor satsing på gode og heilskaplege tenester til born og unge, samarbeider mange av kommunane om ulike utviklingsprosjekt. Fleire av prosjekta har som mål å bidra til auka kvalitet i tenestetilbodet, fosterheimsarbeidet og tilgang på verksame hjelpetiltak til utsette barn, unge og deira familiar. Nokre av desse utviklingsprosjekta vil halde innlegg.

Styringsgruppa vil også informere om planlagde aktivitetar i læringsnettverket og fristar for å søke om nye tilskot.

Praktisk informasjon

Det er gratis å delta. Lenkje til Teams-møtet blir sendt ut 28. mars.

Ved å melde deg på denne samlinga samtykker du samtidig til at namn og e-postadresse blir synleg i ein Outlook-invitasjon, i Teams-møte og kan delast med medarrangørar. Les meir om personvern under «Lenkjer».