Høyring av søknad om endring av løyve og auka produksjon ved vaskeriet til Nor Tekstil AS på Hylkje
- Høyringsfrist:
- 20. august 2026
Nor Tekstil AS avd. Bergen søkjer om endring av løyve etter forureiningslova til vaskeridrift. Det er søkt om auke i produksjonsvolum frå 6 000 tonn til 12 000 tonn vaska tøy per år.
Vaskeriet produserer flattøy til hotell, helsevesen og offshore-installasjonar og arbeidsklede til helsepersonell. Drifta fører til utslepp av prosessavløpsvatn, utslepp til luft og støy. Det er søkt om auka driftstid for vaskeriet.
Området der vaskeriet er etablert er regulert til industriformål.
Det er søkt om auke i mengd prosessavløpsvatn til 75 000 m3 i året. Avløpet går til kommunalt nett og vidare til reinseanlegget på Hylkje.
Offentleg ettersyn
Saksdokumenta finn du til høgre på denne nettsida.
Merknader til søknaden kan du sende til sfvlpost@statsforvalteren.no, eller til Statsforvaltaren i Vestland, Njøsavegen 2, 6863 Leikanger.
Merk saka med referansenummer 2019/6211. Frist for å gje fråsegn er 20. august 2026.
Alle fråsegner blir registrerte i vår postjournal. Alle må difor skrive under med fullt namn.
- Høyringsfrist:
- 20. august 2026