Koordinerande pasient- og brukarombod

Det koordinerande ombodet skal bidra til å utvikle felles arbeidsmetodikk, støtta dei øvrige omboda med systematisk kompetanseutvikling og bidra til felles løysing og forståing av prinsipielle saker. Målet er at tilbodet vert betre og likare for pasientar og brukarar.

Norge har i dag femten pasient- og brukarombod som skal ivareta pasient og brukar sine behov, interesser og rettstryggleik i helse- og omsorgstenesta. Dei jobbar også for å betra kvaliteten på desse tenestene.

Det koordinerande ombodet skal leggast permant til Bergen. Jannicke Bruvik, pasient- og brukarombod i Hordaland, er det første ombodet som får denne rolla. Ho tiltrer i stillinga 1. september 2020.