Nytt rundskriv om saksbehandling i barnevernstenesta
Rundskrivet gjev ei samla oversikt over reglane som gjeld for saksbehandlinga i barnevernstenesta, etter at ny barnevernslov tredde i kraft 1. januar 2023.
Rundskrivet er ein oppdatert versjon av Retningslinjer for saksbehandling i barneverntjenesten 08/2022, og er frå Barne,- ungdoms og familiedirektoratet (Bufdir).
Rundskrivet skal gje barnevernstenestene ei oversikt over grunnleggjande reglar og krav. Det skal bidra til at oppgåvene til barnevernet blir løyste på ein forsvarleg måte, og i tråd med regelverket. I tillegg gjev det retningslinjer for ei rekke av dei vanskelege avgjerdene som dei tilsette i barnevernstenesta må gjere. Rundskrivet skal på denne måten bidra til grunnleggjande forvaltningsforståing i barnevernet, og til korrekt og føreseieleg saksbehandling i barnevernstenesta.
Heile saksbehandlingsrundskrivet finn du på heimesida til Bufdir.