Her er vårt nye ungdomspanel

Statsforvaltaren har i fleire år samla ungdom frå heile fylket for å få gode råd og innspel til arbeidet og prioriteringane som blir gjorde hos Statsforvaltaren.

No er eit nytt ungdomspanel på plass, med deltakarar frå heile fylket. Panelet skal gi innspel og råd i saker som handlar om barn og unge – og bidra med ungdomsperspektiv inn i arbeidet vårt.

– Ungdom sitter med erfaringer og perspektiver som vi voksne ikke alltid ser. Når vi lytter til dem, tar vi bedre beslutninger og får et bredere grunnlag for arbeidet vårt, seier statsforvaltar Bent Høie.

Ungdomspanelet består av ungdomar frå ulike delar av Rogaland, med ulik bakgrunn og ulike erfaringar. På det første møtet i mai diskuterte panelet fleire aktuelle problemstillingar frå ulike fagavdelingar hos Statsforvaltaren. Tema var mellom anna skulefråvær, psykisk helse, rusførebygging, beredskap, miljø og økologisk matproduksjon. Nye tema og problemstillingar skal løftast fram på komande møte.

Innspela frå ungdomane skal brukast vidare i arbeidet vårt opp mot kommunar, fylkeskommunen og andre samarbeidspartnarar.

– Skal vi lykkes med å utvikle gode tjenester og gode samfunn, må vi involvere dem det gjelder. Ungdomspanelet gir oss verdifull innsikt i hva som er viktig for barn og unge i Rogaland, seier Høie.

Han er imponert over engasjementet til deltakarane.

– Det er imponerende å se hvor stort engasjement og hvor mye kunnskap ungdommene i panelet har. De stiller gode spørsmål, utfordrer oss – og kommer med innspill som gjør oss bedre.

Desse er med i ungdomspanelet

– Jeg er glad for at så mange ungdommer ønsker å bidra. Det viser at unge bryr seg om samfunnet rundt seg og ønsker å påvirke utviklingen, seier Høie.

Marit Bergeland hos Statsforvaltaren lyttar og noterer medan Rutendo Murungani og Erlend Eide kjem med innspel og refleksjonar under det første møtet i ungdomspanelet.

Lovise Skrunes fra Vindafjord til venstre og Lilly Vesterli Brekke fra Karmøy til høyre, sammen med statsforvalter Bent Høie.