Yfoss AS søkjer om løyve etter forureiningslova for etablering av datasenter

Verksemda er eit datasenter som blir etablert ved Storlivatn kraftverk. Datasenteret får ein installert effekt på inntil 10 MW og blir forsynt med ordinær kraft frå eksisterande straumnett. For å sikre drift blir det installert dieseldrivne naudstraumsgeneratorar med samla effekt på 10 MW. Det blir søkt om utslepp av eksos og støy frå naudstraumsgeneratorane som blir brukte ved straumbrot og vedlikehaldskøyring, samt utslepp av kjølevatn. 

Du kan kome med merknader til søknaden innan 6. mars 2026. Merknader kan sendast til: sfropost@statsforvalteren.no, eller Statsforvaltaren i Rogaland, Postboks 59, 4001 Stavanger.

Merk saka med referanse: 2026/1510. Alle uttaler blir arkiverte i vår postjournal.