Informasjonsbrev veke 48/2025

Garden som ressurs 2.0  - søknadsfrist 1. desember 

I 2024 vart “Garden som ressurs” gjennomført i fleire kommunar, i regi av lokale hoppid.no-kontor i samarbeid med landbrukskontora. No er arbeidet med “Garden som ressurs 2.0” i gong og midlar er lyst ut via Skaparglede sine nettsider. Statsforvaltaren i Møre og Romsdal ved Marie Teigland er med i den regionale prosjektgruppa. 

Det er hoppid.no-kontora som kan søke på midlar til å gjennomføre samlingar og opprette nettverk, med oppfordring om å samarbeide med landbrukskontora.  

Her finn du meir informasjon om prosjektet: Garden som ressurs 2.0 

Ta gjerne kontakt med ditt hoppid-kontor for dialog om “Garden som ressurs 2.0” i din kommune. 

Søknadsfrist: 1. desember 2025. 

Kontaktperson: Marie Teigland 

 Ubrukte midlar til SMIL og drenering 

Av dei midlane som er tildelt fylket og fordelt på kommunane til ordningane SMIL og drenering, står det fortsatt igjen ein god del som ikkje er brukt. Det er viktig for oss å få fram at dersom nokon har søknader/prosjekt som ligg på is i påvente av påfyll av ny ramme, kan desse med fordel få løyving av dei midlane vi allereie har. 

Vi har fortsatt igjen ufordelte midlar, og det kan hentast midlar frå kommunar som ikkje har søknader som ikkje er behandla enno. Ta i så fall kontakt snarast for fordeling. 

Vil også minne om at Agros stenger ned, med siste dag for nye vedtak søndag 7. desember. 

Kontaktpersonar: Andreas Lilleheier Aarset og Per Eldar Nakken