Lisensfelling av jerv startar i dag 20. august
Fellingsperioden for jerv er frå og med 20. august 2025 og varer til 15. februar 2026. Under lisensperioden kan lisensjegere felle inntil 8 jerv i region 1.
Lisensfellinga gjeld for heile Vestland.
Vedtak om lisensfelling av jerv som er fatta for perioden 2025-2026 gjeld frå og med 20. august 2025. Rovviltnemndene kan som tidlegare fastsette ein kortare lisensfellingsperiode dersom dei meiner det er grunnlag for dette.
Rovviltnemnda har vedteke at 8 jervar kan fellast under årets lisensfelling i region 1.
Det er eit mål å auke talet på jervar som blir felte under lisensjakta slik at behovet for ekstraordinære uttak vert mindre. Lisensjegerar kan vende seg til Jegerregisteret for å få lisens på jerv. Felling av jerv krev i tillegg løyve frå grunneigar.
Jegerar som skal på jervejakt pliktar å halde seg oppdatert om den attverande kvoten på telefon (automatisk telefonsvarar) 51 56 89 00.
Den som feller jerv, eller løyser skot mot jerv, skal straks melde frå til Statsforvaltaren på tlf. 48 14 30 95 og Statens naturoppsyn på tlf. 48 09 43 64.