Fagsamling for barnevern og Nav

Vi arrangerer barnevernsleiarforum, og møter i styrings- og ressursgruppe for Læringsnettverket på den første av dei tre dagane.

Dag to og tre er via fagsamling for barnevern og Nav. Første dag av fagsamlinga blir felles for dei som jobbar med barnevern og i Nav med sosiale tenester, og dag to blir det separate fagsamlingar. På felles fagsamling blir tema barnets beste-vurderingar, ettervern og familiar som lever i vedvarande låginntekt. For Nav blir hovudtema vilkår for sosialhjelp. For barnevernsleiar- og læringsnettverkssamlinga blir det siste nytt frå Statsforvaltaren, kompetansemiljøa og utviklingsprosjekta. Vi legg opp til kunnskapsdeling på tvers av kommune- og fylkesgrenser.

Sjå oversikt over dagane i vedlegget som du finn under «Dokument».  Endeleg program vert lagt ut her når det er klart.

Delta med stand i «stel og del»

Vi gjentek suksessen frå tidlegare samling om «stel og del». Vi oppfordrar kompetansemiljøa, brukarorganisasjonar, utdanningsinstitusjonar, Bufetat, KS og utviklingsprosjekta på barneverns- og Nav-feltet til å ha stand den 17. september. Vi set av tid i programmet der vi går rundt på stands for å hente inspirasjon og knytte nye kontaktar.

Les meir frå samlinga i fjor: Samla seg om erfaringsdeling | Statsforvaltaren i Vestland

Praktisk informasjon og påmelding

Fagsamlinga er gratis for deltakarar i målgruppa. Treng du overnatting, må du melde deg på før 1. august.

Dersom det vert mange påmelde, vil vi prioritere at alle kommunane får delta på samlinga. Vi har reservert eit avgrensa tal hotellrom og vil prioritere å dekkje overnatting for dei med lengst reiseveg, og deretter etter datoen de har meldt dykk på.

Det er bindande påmelding. Dersom du må melde avbod, er det viktig at du gjev beskjed så snart som råd slik at andre får moglegheit til å delta. Reise til og frå samlinga, og eventuelle overnattingar før eller etter konferansen dekkjer kommunane sjølv. 

Ved å melde deg på denne samlinga samtykker du til at vi kan dele informasjonen din med hotellet og med medarrangørar. Les meir om personvern og nettryggleik under «Lenkjer».