Digital rettleiingsressurs for arbeid med rus, psykisk helse og bustad
Den digitale verktøykassa veiviseren.no samlar døme, verktøy og tips som kan vere nyttig i kommunens arbeid med å skaffe bustad og tenester til personar som har utfordringar innan rus og psykisk helse
Dette innhaldet er meir enn eitt år gammalt. Informasjonen kan derfor vere utdatert.
På Veiviseren.no har Helsedirektoratet og Husbanken samla ein del eksempel frå ulike kommunar som kan vera nyttige å kjenna til. Eksempla strekkjer seg frå ordinære bustader med ambulerande tenester til døgnbemanna butilbod, i tillegg til å vise ulike arbeids- og aktivitetstilbod for målgruppa.
I eksempla kan ein lesa om korleis kommunane har planlagt og gjennomført arbeidet, kva som vart resultatet, og finne verktøy og tips for å lukkast.
Bo- og tjenestetilbud til personer med samtidig ruslidelse og psykisk lidelse (ROP-lidelser) (veiviseren.no)
Om veiviseren.no:
Ein digital informasjons- og rettleiingsressurs, utvikla for kommunane og andre som jobbar med bustad- og tenesteutvikling, som samlar «alt på ein stad» innan bustad- og tenesteområdet, på både strategisk og operativt nivå. Veiviseren.no kan òg vere nyttig for brukarar og pårørande.
Innhaldet blir utvikla av seks direktorat saman med m.a. kommunane, Statsforvaltar og brukerorganisasjonar. Ansvarlege direktorat: Arbeids- og velferdsdirektoratet, Barne-, ungdoms- og familiedirektoratet, Helsedirektoratet, Integrerings- og mangfoldsdirektoratet, Husbanken og Kriminalomsorgsdirektoratet.
Kontaktpersonar
-
Jorunn Fotland
Tlf: 55 57 22 69 / 99 48 04 14