Bli grønsaksgründer i haust
Ny, landsdekkande fagskulemodul innan entreprenørskap av lokalmat startar til hausten. Studiet er lagt til rette for produsentar som driv småskala grønsaksproduksjon, men er også ope for andre som vil satse på lokalmat.
Søknadsfrist er 17. august.
Det er Fagskolen Innlandet og Bondens marknad, saman med Statsforvaltaren i fylka Vestland og Innlandet, som har vore med på å utvikla studiet og vil teste det ut.
-Kundane våre vil ha meir grønsaker, så vi har lenge arbeidd for å få fleire til å dyrke, fortel Randi Ledaal Gjertsen, dagleg leiar i Bondens marked Norge. Etter fleire år med prosjektbaserte oppstartsprogram for marknadshagar i ulike fylke, vil Bondens marked no teste ut fagskulemodellen. Gjertsen har tru på fagskulen si praktiske tilnærming, i kombinasjon med at studentane får studiepoeng.
-Studentane vil få auka kunnskap om kva krav som vert stilt til matprodusentar, kva som skal til for å få til økologisk produksjon og foredling, ulike driftsmetodar, erfaringsutveksling med andre lokalmatprodusentar, val av salskanalar, marknadstilpassing av produksjonen og mykje meir, fortel Marit Ruud Skolseg, faglig leiar av landbruk ved Fagskolen Innlandet.
Studiet har to fysiske samlingar og nettbasert undervisning, i tillegg til ein obligatorisk praksisperiode.
Søknadsfristen er 17. august. SØK HER: Næringsutvikling og verdiskaping i økologisk landbruk | Fagskolen Innlandet
Opptak av informasjonsmøtet om studiet: Infomøte om nytt studium for markedshagedrift | Markedshager Norge