Velkomen til inspirasjonssamling om TryggEST

TryggEst gjev kommunane struktur, verktøy og støtte – og på inspirasjonssamlinga får de innsikt i modellen, erfaringar frå andre kommunar og informasjon om tilskotsmidlar.

Møtet krev ikkje noko påmelding, du deltek via følgjande lenkje: Bli med i samtalen 

Formålet med samlinga er å gje informasjon om TryggEst-modellen. Det kan vere ei hjelp til kommunar med å systematisere arbeidet med å førebyggje, avdekkje og handsame valdssaker for risikoutsette vaksne.

• Førebygging: TryggEst aukar medvitet og kompetansen hjå tilsette i helse- og omsorgstenestene for å identifisere risikofaktorar tidleg.
• Avdekking: TryggEst bidreg med rutinar og verktøy som gjer det enklare å melde frå om uro og mistanke om vald.
• Handsaming: TryggEst sikrar at saker blir følgde opp på ein trygg, føreseieleg og profesjonell måte.

Innhald på inspirasjonssamlinga om TryggEst:

• TryggEst nasjonalt ved Barne-, ungdoms- og familiedirektoraret (Bufdir)
• Kva oppnår kommunane med å bli TryggEst-kommune? Korleis kan arbeidet organiserast?
• Tilskotsmidlar og søknadsfrist
• Praktisk erfaring med TryggEst ved Brit Nora Walstad TryggEst-koordinator Meråker kommune og Martin Wagelund Strøm, RISK kontakt ved politiet i Stjørdal
• Praktisk erfaring med TryggEst frå kommunar på Vestlandet ved Utviklingssenter for sjukeheim og heimetenester (USHT)
• Moglegheiter for å stille spørsmål