Regelverkssamling – Statsforvaltaren sine tilsynstema på barnehageområdet 2026

Basert på våre risikovurderingar ser vi behov for å føre tilsyn med korleis barnehagemyndigheita oppfyller ansvaret sitt for å sjå til at barnehagane følgjer regelverket, jf. barnehagelova § 10. Tilsynet vil vere avgrensa til å undersøkje korleis barnehagemyndigheita arbeider med å sikre at barnehagane etterlever krava til grunnbemanning, jf. barnehagelova § 26.

Dette inneber å sjå nærare på om barnehagemyndigheita:

• har oversikt over barnehageeigarane sine plikter etter barnehagelova
• har tilstrekkeleg kunnskap om korleis alle barnehageeigarane oppfyller pliktene sine
• nyttar denne kunnskapen til å gjere risikovurderingar for behovet for rettleiing og tilsyn
• baserer risikovurderingane på oppdatert og gjeldande forståing av barnehagelova
• gjennomfører rettleiing og tilsyn i tråd med risikovurderingane

I tillegg har Utdanningsdirektoratet fastsett at barnehagemyndigheita si handtering av dispensasjonssøknadar for pedagogisk leiar, jf. forskrift om pedagogisk bemanning og dispensasjon i barnehagar § 3, første ledd, skal vere felles nasjonalt tilsynstema. Det betyr at alle statsforvaltarembeta skal føre tilsyn med dette tema.

Her vil vi undersøkje om barnehagemyndigheita:

• opplyser saka tilstrekkeleg før vurdering av dispensasjonssøknad
• vurderer om stillinga har vore offentleg utlyst, og at det ikkje har meldt seg kvalifiserte søkjarar
• vurderer dei reelle kvalifikasjonane til den det blir søkt dispensasjon for
• fattar vedtak som viser kva barnehage det gjeld, kven dispensasjonen gjeld for, og kva stilling det dreier seg om
• berre fattar vedtak med varigheit på inntil eitt år om gongen
• stiller rimelege og relevante vilkår dersom vilkår blir sett

På samlinga vil vi klargjere desse krava og svare på spørsmål eventuelle spørsmål.

Meld deg på ved å bruke lenka til høgre.