Økonominettverket 2023

Vi startar som vanleg med lunsj kl. 12.00, den 29. august, og avsluttar med lunsj den 30. august.
Statsforvaltar Liv Signe Navarsete vil innleie samlinga. 

Kommunedirektøren i Voss herad, Arild McClellan Steine, og økonomisjef i Austevoll kommune, Thomas M. Larsen, vil innleie på det første temaet - Bruk av Kostra-data i planlegging og styring.

På dag to er hovudtema demografiutfordringar, og framtidsbilde/konsekvensar for inntektssystemet.
Håvard Moe frå KS-konsulent vil innleie denne bolken, og kommunalsjef for finans og økonomi Anne Erdal, vil ha eit innlegg om korleis dei planlegg for dette i Øygarden kommune.

Det endelege programmet vil bli utlagt om ikkje så lenge.

Målgruppe for samlinga er økonomisjefar/leiarar, rekneskaps- og økonomimedarbeiderar, og eventuelt revisjon i Vestland fylke. Vi håpar at nettverket kan vere eit forum for kommunane til å bli kjende med kvarandre, få faglege oppdateringar, erfaringsutveksling og gode diskusjonar om kommuneøkonomien i Vestland.

Pris for deltaking på heile samlinga blir kr. 3 880 per person i enkeltrom. Om du vil delta berre på dagtid er dagpakkeprisen kr. 725. I tillegg kjem kr 95 for litt ekstra mat på ettermiddag dag 1. Middag onsdags kveld kjem i tillegg og kostar kr. 635. 

Etter fagleg program dag 1, er det mogeleg å melde seg på frukt- og siderruta, der vi spaserer til 3 gardar med ulike opplevingar. Det er gåavstand mellom kvar gard, og vi besøker Hardanger Saft- og siderfabrikk, Syse Gard og Ulvik Frukt&Cideri. Pris på dette er kr. 425 og kjem i tillegg. Kryss av i skjemaet under dersom du vil delta på dette.

NB: kvar enkelt må betale for seg sjølv ved utsjekk.

Påmeldingsfrist: 4. juli.

Nedanfor finn du lenke til påmelding.