Nettverk for aldersvenlege samfunn i Vestland

Statsforvaltaren, arbeidsgruppe for eit aldersvenleg samfunn i Vestland, Senteret for et aldersvennlig Norge og KS inviterer til fysisk samling i nettverket 26. mai.

Programmet er under utarbeiding, men vil mellom anna innehalde desse postane:

• Brukarmedverknad og planleggelitt.no med Anne Berit Rafoss, prosjektleiar i Senteret for et aldersvennlig Norge
• Uteområde og møteplassar i Austevoll, ved Ingrid Kristina Danielsen Henriques, folkehelsekoordinator
• "Møteplassar for alle i Stord", ved Tove Vikanes Agdestein, folkehelsekoordinator
• Aldersvenleg Askøy, ved Lina Marie Ørnehaug, samfunnsplanleggjar
• "Hvordan tilrettelegge for bedre hverdagsmobilitet for eldre?" ved Håkon Løland, prosjektleiar i OBOS Block Watne
• Strategi for aldersvennlig kunst og kulturby – Bergen, ved Tine Rude, seksjonssjef kunst og kulturutvikling
• Bygda skal skina, LivOGLyst i Øystese, ved prosjektleiar Marit Buttingsrud med fleire
• Samtalar undervegs, leia av Ragna Flotve, seniorrådgjevar hos Statsforvaltaren

Det regionale nettverket vart etablert etter initiativ frå kommunane i 2022. I arbeidsgruppa sit Askøy, Voss og Stryn, i tillegg til Statsforvaltaren og KS, som er med å legge til rette. Nettverket er sentralt i Leve heile livet-arbeidet til Statsforvaltaren og det regionale støtteapparatet. Les meir om oppstarten av nettverket i denne saka.

Praktisk informasjon

Målgruppa for samlinga er tilsette i kommunane som arbeider med Leve heile livet, eller planlegging for eit aldersvenleg samfunn. Vi set førebels deltakartal på maks fire per kommune, men ta kontakt om de ønskjer å delta med fleire.

Statsforvaltaren dekker lunsj. Reise og eventuell overnatting må deltakarane ordne sjølve.

Ved å melde deg på samlinga, samtykker du samtidig til at informasjonen din blir delt med medarrangørar. Les meir om personvern under «Lenkjer».