Statsforvaltaren tilrår ikkje grensejustering

Statsforvaltaren har på grunnlag av opplysningane i utgreiinga, kome fram til at det er rett å tilrå at kommunegrensa ikkje bør justerast. Vi har mellom anna lagt vekt på at verken utgreiinga eller innbyggjarundersøkinga har avdekt tilhøve som tilseier at ei grensejustering i tråd med innbyggjarinitiativet gir nokon garanti for ønskt utvikling og meir føremålstenlege tenester og forvaltning for innbyggjarane i området, slik føremålet med inndelingslova legg opp til.

Det er no opp til Kommunal- og distriktsdepartementet å ta endeleg stilling til om det skal gjennomførast ei grensejustering. Les meir i brevet til KDD i høgre marg.