Søknad om løyve etter forureiningslova til deponi for ordinært avfall – BIR Ressurs AS avd. Mjelstad

BIR Ressurs AS avd. Mjelstad søkjer om løyve etter forureiningslova til utviding av eksisterande deponi på Osterøy.

• Det vert søkt om løyve til å deponere inntil 890 000 m³ avfall i deponikategori 2 og 3 unntatt farleg avfall.
• BIR søkjer om 80 000 tonn/år ordinært avfall i eit 3-års snitt og 30 000 tonn/år inert avfall.
• Dagens deponi tar berre imot botnoske som ordinært avfall, men det blir no søkt om mottak av fleire fraksjonar ordinært avfall.
• Det vert òg søkt om å vidareføre løyve til sortering av botnoske og mellomlager for utsortert metall.
• Den nye delen av deponiet vil få dobbel botn- og sidetetting. Sigevatnet blir samla opp og leia til reinseanlegg før utslepp i Osterfjorden.

Offentleg ettersyn

Saksdokumenta finn du til høgre på denne nettsida.

Merknader til søknaden kan du sende på e-post til sfvlpost@statsforvalteren.no, eller per post til Statsforvaltaren i Vestland, Njøsavegen 2, 6863 Leikanger. Merk saka med referansenummer 2022/11866. Frist for å gje fråsegn er 24. november 2025.

Alle fråsegner vert registrert i vår postjournal. Alle må difor skrive under med fullt namn.