Vaksinering haust- og vintersesongen 2023/2024
Kommunar og helseføretak må sørge for at personar i risikogrupper og tilsette i helsetenesta med pasientkontakt, får eit godt tilrettelagt tilbod for vaksinering. Folkehelseinsituttet arrangerer webinar om temaet 7. september.
Denne haustsesongen vil mange i befolkninga vere anbefalt fleire vaksinar, inkludert influensa- og koronavaksine. Nokre vil også ha behov for pneumokokkvaksine.
Les alle anbefalingar i brevet frå Folkehelseinstituttet (FHI) og Helsedirektoratet, som du finn under «Dokument».
Webinar 7. september
Folkehelseinstiuttet arrangerer webinar for dei som planlegg, organiserer og gjennomfører vaksinasjon i helseføretak og kommunar. Tidspunkt er frå 09.00 til 12.00, 7. september. Du treng ikkje melde deg på, men kan berre logge på Teams-lenkja når det startar. Webinaret blir også teke opp. Meir informasjon, program og lenkje finn du på heimesida til FHI.