Dekningsstatistikken for barnevaksinasjonsprogrammet er publisert

Det nasjonale vaksinasjonsregisteret SYSVAK publiserer vaksinasjonsdekninga for barnevaksinasjonsprogrammet for tre årskull, 2-, 9- og 16-åringar kvar vår. Dekningsstatistikken for 2024 på lands- og fylkesnivå finn du på Folkehelseinstituttet sine nettsider. Dekningstal på kommunenivå finn du på FHI Statistikk.

Statistikken viser framleis høg oppslutning om vaksinar til barn og unge i Noreg. I nokre kommunar er vaksinasjonsdekninga under 85 prosent for éin eller fleire sjukdomar, for eitt eller fleire kull. Det kan vere ulike årsaker til dette. FHI følgjer opp låg vaksinasjonsdekning ved å sende ut kvalitetslister til alle kommunane i landet to gonger i året, digitalt via SvarUt-tenesta til KS. Alle kommunar blir oppmoda om å bruke dette, slik at avvik knytt til låg vaksinasjonsdekning kan rettast opp.