Tilskot til studiepermisjon for vidareutdanning i samisk

Målet med ordninga er å støtte skuleeigarar som gir studiepermisjon til lærarar eller stipend til lærarstudentar. Studia må vere relevante for å oppfylle krav til undervisningskompetanse i samiske språk i grunnopplæringa. Med samisk språk meinast nordsamisk, lulesamisk og sørsamisk.

Målgruppa er først og fremst lærarar i grunnopplæringa. For stipend til lærarstudentar som skal rekrutterast som samisklærarar, blir det prioritert tiltak som vil oppnå mest effekt  for kapasitet og kompetanse i samisk opplæring i grunnopplæringa. Kortare studium på 30 eller 60 studiepoeng vil difor bli prioriterte framfor lengre løp som gir same kompetanse.

Det skal fastsettast bindingstid for innvilging av tilskotet. Skuleeigaren må sende kopi av avtalen til Statsforvaltaren I Troms og Finnmark før utbetaling. Skuleeigaren har ansvar for å følgje opp bindingstida.

Etter endt studiepermisjon skal læraren ha bindingstid tilsvarande det doble av permisjonstida, og minst eitt år.

Tilskotet blir utrekna med utgangspunkt i garantilønn for adjunkt med 10 års ansiennitet.

Vi viser elles til gjeldande retningslinjer på Utdanningsdirektoratets heimesider her: Tilskudd til studiepermisjoner for videreutdanning og stipender for studier i samisk språk | udir.no

Søknadsfrist er 15. april

Søknaden, med referanse 2026/2900, sender de til Statsforvaltaren i Troms og Finnmark. Meir informasjon om ordninga og søknadsskjema finn du på deira heimeside her: Studiepermisjon for videreutdanning i samisk studieåret 2026/2027 | Statsforvalteren i Troms og Finnmark

Kontaktperson

Troms og Finnmark er Linda Kristin Selsnes tlf. 77 64 22 56