Samisk opplæring i grunnskulen – rettar og plikter

Elevane sine rettar

Alle samiske elevar har rett til opplæring i samisk, også dei som bur utanfor språkutviklingskommunane (opplæringslova § 3-2). Elevane vel sjølve språk, – nordsamisk, sørsamisk eller lulesamisk – medan foreldra tek valet for elevar på 1.–7. trinn.

Felles ansvar

Statsforvaltaren, kommunen og skulen har eit felles ansvar for å sikre at retten blir oppfylt.

Statsforvaltaren

Vi skal rettleie om pliktene og følgje opp at regelverket blir etterlevd, slik at opplæringa skjer i samsvar med lov og forskrift.

Kommunen

Kommunen har det overordna ansvaret for at elevane, med rett til samisk opplæring, får det. De skal informere foreldre og elevane om rettane (opplæringslova § 10-8)) og sørge for:

• å stille nødvendige ressursar og læremidlar til disposisjon
• å følgje med på om opplæringa er forsvarleg, også fjernundervisninga viss skulen ikkje har lærar med rett kompetanse
• å tilby delar av opplæringa i eit samiskspråkleg miljø dersom det er nødvendig for at opplæringa skal vere pedagogisk forsvarleg

Skulen

Skulen har ansvar for den daglege gjennomføringa av opplæringa. De skal følgje opp:   

• at opplæringa blir gjennomført i samsvar med Læreplanverket for Kunnskapsløftet – samisk
• at opplæringa følgjer fastsett fag- og timefordeling
• at fjernundervisninga følgjer krav til læringsmiljø, tilrettelegging og kvalitet
• elevens læringsutbytte og dokumentere vurderinga, slik at kompetansemåla blir nådd

Støttemateriell

• Opplæringslova
• Læreplanverket for samisk
• Udir – Fjernundervisning i samisk 
• Rett til opplæring i og på samisk