Statlege forventningar til kommunane i 2026
– Når Stortinget vedtar lover og regjeringa kjem med nye satsingar, er det ofte kommunane som skal følgje dei opp. I det årlege forventningsbrevet til kommunane klargjer vi dei viktigaste og dei nye forventningane som staten har til kommunane, seier statsforvaltar Trond Rønningen.
No kjem forventningsbrevet for 2026
No har Statsforvaltaren i Vestfold og Telemark, saman med andre regionale statsetatar, utarbeida eit forventningsbrev til kommunane for 2026. Forventningsbrevet blir sendt ut til kommunane med utgangspunkt i vår rolle som formidlar av nasjonal politikk til lokalt nivå.
Føremålet med dokumentet er å legge til rette for effektiv styringskommunikasjon, mellom anna ved å klargjere ansvaret til kommunane og det lokale handlingsrommet. Brevet er ikkje ei fullstendig oppgåveliste.
Statsforvaltaren har eit overordna ansvar for å:
- sørge for at nasjonal politikk blir gjennomført i fylket
- vareta ei rekke forvaltningsoppgåver på vegne departement og direktorat
- vareta rettstryggleiken til innbyggarane ved å føre tilsyn med delar av kommuneverksemda og gjennom å vere klageinstans for kommunale vedtak
- formidle og samordne statlege styringssignal til kommunane, og gi råd og rettleiing til kommunar og andre i samsvar med oppdrag frå regjeringa og fagdepartement/direktoratet
Lenke til forventningsbrevet og vedlegget finn du under dokument oppe til høgre.