Nasjonale minoritetar

Definisjonen på nasjonale minoritetar er grupper med langvarig tilknyting til landet, og i Norge gjeld dette fem folkegrupper: kvenar/norskfinnar, jødar, skogfinnar, romar og romanifolk/taterar. 

Statsforvaltaren skal syte for at barn i barnehagar og elevar, lærlingar og vaksne i grunnopplæringa, som tilhøyrer nasjonale minoritetar, får oppfylt rettane i samsvar med gjeldande lovar og forskrifter.

Barnehage

Barnehagelova og rammeplan for barnehagen er styrande dokument for innhaldet og oppgåvene som føregår i barnehagane. Både for einskiltbarn og for barnehagen er det berikande at ulik bakgrunn og mangfald nyttast som ein ressurs. Når det gjeld barn fra nasjonale minoritetar, er det relevant å framheve følgjande føresegner:

Barnehagelova:

• § 1 Barnehagen skal fremme demokrati og likestilling og motarbeide alle former for diskriminering
• § 2 Barnehagen skal ta omsyn til barna sin alder, funksjonsnivå, kjønn, sosiale, etniske og kulturelle bakgrunn

Rammeplan:

• Barnehagen skal bruke mangfold som en ressurs i det pedagogiske arbeidet og støtte, styrke og følge opp barna ut fra deres egne kulturelle og individuelle forutsetninger
• Barnehagen skal bidra til at alle barn kjenner seg sett og anerkjent for den dei er, og synleggjere den einskilte sin plass og verdi i fellesskapet

Opplæring

Skolen skal gje elevane historisk og kulturell innsikt og forankring, og bidra til at hver elev kan ivareta og utvikle sin identitet i et inkluderande og mangfoldig fellesskap. I overordna del 1.2 av læreplanverket står det eksplisitt at elevane skal ha kompetanse om våre nasjonale minoritetar. Vidare er det nokre føresegner i opplæringslova som er relevant å trekke fram:

Opplæringslova:

• § 1-1 Opplæringa i skule og lærebedrift skal, i samarbeid og forståing med heimen, opne dører mot verda og framtida og gi elevane og lærlingane historisk og kulturell innsikt og forankring
• § 9 A-2 og § 9 A-3 Alle elever har rett til et godt skulemiljø og at skulen har ansvar for å gripe inn dersom nokon blir utsett for mobbing, diskriminering eller rasisme

Språkopplæring

I barnehagen skal personalet mellom anna synleggjere språkleg og kulturelt mangfald, støtte barna sine ulike kulturelle uttrykk og identitet og fremma mangfald i kommunikasjon, språk og andre uttrykksformer jf. rammeplan kommunikasjon, språk og tekst.

Meir informasjon om våre fem nasjonale minoritetar, historie, språk og levesett finn du på Utdanningsdirektoratet sine sider.