Barnehagekonferansen i Møre og Romsdal 2025

«Bomullsbarna»

Blir dei overbeskytta i slik grad at dei mister moglegheit til ei sunn utvikling med robustheit og meistringskjensle? Forsking  peikar på at risikoleik og friluftsliv der barn får utforske grenser og utfordre seg sjølv i trygge rammer, kan vere ein nøkkel til å byggje robuste barn. Dette vil gjere dei betre rusta til å handtere motgang og stress i ulike situasjonar. Psykisk helse og livsmeistring heng tett saman med korleis barn lærer å møte og meistre utfordringar tidleg i livet. Gode relasjonar og eit velfungerande foreldresamarbeid i barnehagen spelar ei avgjerande rolle. Gjennom ein balanse mellom vern og fridom kan  barnehagelæraren leggje til rette for ei sunn utvikling der barna får styrka si mentale helse og meistringskjensle.

Rapportane frå tilskotsordningane syner at fleire av barnehagane i Møre og Romsdal arbeider med livsmeistring og psykisk helse. Vi håpar at Barnehagekonferansen 2025 vil vere eit bidrag i dette arbeidet.

Konferansen arrangerast i samarbeid mellom Høgskulen i Volda, Utdanningsforbundet Møre og Romsdal og Statsforvaltaren i Møre og Romsdal.