Tildeling av prosjektskjønn 2026
Statsforvaltaren i Møre og Romsdal har fordelt 11,7 millionar kroner i prosjektskjønnsmidlar til kommunane for 2026. Alle kommunane i Møre og Romsdal er med i minst eitt prosjekt.
Målet med prosjektskjønn er å gi kommunane støtte til å prøve ut nye løysingar i si verksemd.
Prosjektskjønnsmidlar skal gå til prosjekt som har som formål å styrke kommunen si rolle som tenesteprodusent, myndigheitsutøvar, lokaldemokratisk arena og/eller samfunnsutviklar, slik at oppgåvene blir løyst på ein betre måte.
For 2026 har følgjande prosjekt fått støtte:
| Prosjektnr. | Tittel | Kommunar med (søkar først) | Innvilga |
|---|---|---|---|
| 15-25-0022 | Felles kartsystem og forprosjekt for tjenestesamarbeid for plan, kart og byggesak på Nordmøre | Kristiansund, Aure, Averøy, Gjemnes, Rindal, Smøla, Sunndal, Surnadal, Tingvoll | 1 800 000 |
| 15-25-0013 | Interkommunalt samarbeid | Volda, Ørsta | * |
| 15-25-0008 | KI i saksbehandling for kommunene i ROR-IKT-samarbeidet | Molde, Aukra, Hustadvika, Rauma, Vestnes |
** 1 000 000 |
| 15-25-0009 | Iverksettelse Interkommunal rammeavtale Nordmøre | Sunndal, Kristiansund, Aure, Averøy, Gjemnes, Smøla, Surnadal, Tingvoll | 1 500 000 |
| 15-25-0015 | Interkommunalt samarbeid Sunnmøre | Ulstein, Hareid, Herøy, Sande, Vanylven |
* 1 500 000 |
| 15-25-0016 | Sammen skaper vi gode tverrfaglig lag for barn og unge - forebygging av utenforskap | Surnadal, Aure, Averøy, Gjemnes, Kristiansund, Smøla, Sunndal, Tingvoll | 1 600 000 |
| 15-25-0005 | Etablering av interkommunal barnevernstjeneste Smøla - Aure | Smøla, Aure | 700 000 |
| 15-25-0024 | Interkommunalt samarbeid med Region Ålesund | Fjord, Giske, Haram, Sula, Ålesund | 400 000 |
| 15-25-0025 | Interkommunal beredskapsplanlegging fjellskred | Fjord, Hareid, Stranda, Sula, Sykkylven, Volda, Ørsta, Ålesund | 500 000 |
| 15-25-0007 | Interkommunalt samarbeid i Romsdalskommunene | Molde, Aukra, Hustadvika, Rauma, Vestnes |
** 1 000 000 |
| 15-25-0012 | Region Ålesund - Ny modell for interkommunalt samarbeid | Ålesund, Giske, Haram, Sula | *** |
| 15-25-0026 | Felles søknad for alle Helseplattformen-kommunene i Midt-Norge | Kristiansund | 1 700 000 |
| SUM | 11 700 000 |
Forklaringar til tabellen:
* Volda og Ørsta søker om prosjektet Interkommunalt samarbeid, som inneber at dei hektar seg på 5K-samarbeidet. Sist nemnde får midlar også i år (Ulstein er prosjektleiar), og løyvinga er slått saman sidan dette er same prosjektet.
** Romsdalskommunane har fått utvida frist for å inngå grunnavtale til utgangen av 2025. Dette er ein føresetnad for at prosjekta skal få midlar. Midlane som vart bevilga til prosjekt i regionen gjennom prosjektskjønn 2025 vart ikkje utbetalt, då det ikkje var inngått grunnavtale etter forlenga frist (30. juni 2025).
*** Prosjektet fekk midlar gjennom prosjektskjønn 2025, men har ikkje tilsett prosjektleiar enno. Midlane frå 2025-løyvinga vert overført til 2026 og det er slik ikkje behov for ei ekstra løyving på prosjektskjønn 2026.
**** I kolonna innvilga er beløp frå Statsforvaltaren i Møre og Romsdal vist. Statsforvaltaren i Møre og Romsdal har tildelt 1,7 mill. kroner til desse to prosjekta og Statsforvaltaren i Trøndelag har tildelt 3,3 mill. kroner. Tildelinga frå Statsforvaltaren i Møre og Romsdal er i hovudsak grunngjeven i dei to fornyingsprosjekta Innbyggerdialog i sanntid og Kommunefarmasøyt.
Satsingsområde for 2026: Interkommunalt samarbeid
Sjølv om dette er andre året med interkommunale samarbeid som satsingsområde for prosjektskjønn, står mykje framleis uløyst. Behovet for interkommunale samarbeid er styrka for mange av kommunane i Møre og Romsdal grunna knappheit på både fagfolk og økonomiske midlar.
I invitasjonen oppmoda vi kommunane til å særleg søke på prosjekt retta mot deira største tenesteområde, dvs. helse og omsorg og oppvekst. Satsingsområdet for 2026 er interkommunale samarbeid, for å bidra til effektivisering og til å løyse omstillingsbehovet i kommunane og fremje berekraftige og innovative løysingar. Midlane skal gå til fornying og innovasjon, ikkje drift.
Krav til tildeling og utbetaling av midlar
For å få utbetalt midlar er det ein føresetnad at det ligg ved ein godkjent grunnavtale frå kommunestyra som ønskjer å etablere eit meir strukturert interkommunalt samarbeid. Dersom prosjekta ikkje vert gjennomført som planlagt, kan midlane bli trekt tilbake.
Utbetaling av midlane vil skje gjennom rammetilskotet tidleg 2026.