KOSTRA-rapportering for 2025 og endra kontoplan for 2026

Elektronisk rapportering kan skje frå og med 2. januar 2026.

Frist for rapportering av helse- og omsorgstenester, helse- og omsorgsinstitusjonar, sosialhjelp, kvalifiseringsstønad og barnevern er 15. januar 2026.

For rapportering av andre tenesteskjema er fristen 16. februar 2026.

Rapportering av rekneskapsdata har frist 23. februar 2026.

Viktig å merke seg

Kommunar som ikkje har bestemte ordningar, for eksempel kvalifiseringsstønad eller eigedomsskatt, skal likevel sende inn det aktuelle Kostra-skjemaet, og krysse av for at det ikkje er noko å rapportere. Dette for at SSB skal få oversikt over kven som har rapportert og for å estimere korrekte summar på regions- og landsnivå.

Meir informasjon

Meir informasjon om rapporteringa finn de hos Statistisk sentralbyrå: Informasjon om rapporteringen for kommunene – SSB

I brevet frå Kommunal- og distriktsdepartementet finn de informasjon om endringar i artar og funksjonar i kontoplanen frå 2025 til 2026. I tillegg finn de lenke til rettleiar til kontoplanen i KOSTRA for 2026. 

Treng du hjelp i samband med rapporteringa har SSB si eiga brukarteneste. Spørsmål kan stillast til: kostra-support@ssb.no eller til telefon 62 88 51 70.