Fylkesløft (prosjektskjønn) tildeling 2024
Målet med Fylkesløft er å gi kommunane støtte til fornyings- og utviklingsprosjekt. Ein del av skjønnsramma skal gå til fornyings- og innovasjonsprosjekt i kommunane. I Møre og Romsdal kallar vi prosjektskjønn for Fylkesløft.
Kommunesektoren er framleis i omstilling med utfordringar knytt til økonomi, kostnadsutvikling, rekruttering av relevant fagkompetanse og målsetting om å effektivisere drifta. Samtidig må kommunane rigge seg for meir berekraftige planar og løysingar.
Det kom inn 19 søknadar på til saman 18,6 millionar kroner. For 2024 er det førebels tildelt 8,75 millionar kroner på Fylkesløft (prosjektskjønn).
Statsforvaltaren sine vurderingar tar utgangspunkt i føringane og kriteria sett i vårt invitasjonsbrev av 14. mars 2023. For 2024 har Fylkesløft satsingsområde likt som områda identifisert som særleg komplekse og eigna for samarbeid gjennom Berekraftfylket:
- Sirkulærøkonomi
- Smart og berekraftig VA-sektor
- Berekraftig mat og mattryggleik
- Digitaliserinng av offentleg sektor
- Fattigdom og sosial inkludering
- Berekraftsertifisering av offentlege bygg
Prosjekta som har fått støtte ligg i oversikta til høgre under dokument. Det gjer også retningslinene for skjønnstildelinga 2024 under Invitasjon til innspel om skjønnsmidlar og prosjektskjønn/fylkesløft for 2024.
Utbetaling av Fylkesløft (prosjektskjønn) skjer gjennom den statlege rammeoverføringa i januar 2024.
Statsforvaltaren vil be kommunen om ei mellom- og sluttrapportering på prosjekta. Mellomrapporteringa vil bli gjort ved utgangen av juni 2024, sluttrapporteringa i slutten av januar 2025.
Det blir sendt ut ein e-post til kontaktpersonen på prosjektet som blir ansvarleg for rapporteringa og vil vere vår kontaktperson. Rapporteringa skal gjerast i det same systemet der søknaden vart sendt inn (ISORD). Alle tildelingane er gitt med vilkår om deling av erfaringar og resultat med andre kommunar.
Kontaktpersonar
-
Maria Laingen
Tlf: 71 25 85 27