Vil tydeleggjere samarbeidet mellom helse- og omsorgstenesta og frivilligheita
Det nye rundskrivet skal auke bevisstheita og kunnskapen hos kommunar og sjukehus om kva omsyn dei må ta når dei samarbeider med frivillige organisasjonar og personar.
Frivilligheita bidreg med store verdiar i samfunnet, og supplerer og støttar opp under offentlege tenester og tilbod. Frivilligheita skapar viktige møteplassar, gir auka trivsel og gir større moglegheit for deltaking og fellesskap. Frivilligheita bidreg til ei styrka folkehelse.
Helsedirektoratet har utarbeidd det nye rundskrivet, som primært handlar om samarbeidet mellom helse- og omsorgstenesta og frivillige organisasjonar, lag og foreiningar. Målgruppa er verksemder som yter helse- og omsorgstenester etter lov om kommunale helse- og omsorgstenester og spesialisthelsetenestelova. Rundskrivet skal også gje grunnlag for utarbeiding av lokale rutinar.
Du finn heile rundskrivet på nettstaden til Helsedirektoratet: Rettslige rammer for samarbeid mellom helse- og omsorgstjenesten og frivilligheten - Helsedirektoratet