Endringar i psykisk helsevernlova og pasient- og brukarrettslova
Vi gjer merksam på at det kjem endringar i psykisk helsevernloven og pasient - og brukerrettighetsloven frå 1. juni 2026.
Dei vedtekne lovendringane omhandlar:
- Reglane om samtykkekompetanse
- Helsehjelp til pasientar med alvorleg sinnsliding utan beslutningskompetanse som ikkje motset seg hjelp
- Moglegheit til å gjennomføre vedtak om tvangsmedisinering med antipsykotika i sjukeheim
- Lovfesta rammer for elektrokonvulsiv behandling (ECT) utan samtykke
- Strengare krav til farevurderingar i psykisk helsevern
- Utvida rettar for pårørande ved fare og av omsyn til barn
Vi gjer merksam på pasient- og brukerrettighetsloven § 4-6 femte og sjette ledd som seier:
«Dersom det treffes beslutning om å gi helsehjelp for en psykisk lidelse etter andre ledd til en pasient som har, eller antas å ha, en alvorlig sinnslidelse, skal lederen for kontrollkommisjonen for psykisk helsevern underrettes og motta kopi av de relevante delene av pasientens journal. Kontrollkommisjonens leder skal ved mottak av underretningen så snart som mulig forvisse seg om at riktig framgangsmåte er fulgt og at beslutningen bygger på en vurdering av vilkårene i andre og tredje ledd».
Når det gis helsehjelp for en alvorlig sinnslidelse etter andre ledd, skal kontrollkommisjonen, hver sjette måned etter at beslutningen er tatt, av eget tiltak, vurdere om lovens vilkår er oppfylt. Ansvarlig helsepersonell skal gi kontrollkommisjonen en oppdatert vurdering av pasientens situasjon.»
Dette er heilt nytt, og betyr at når slik beslutning blir vedteke, skal leiaren for kontrollkommisjonen informerast.
For institusjonar i spesialisthelsetenesta som ikkje allereie har ein tilknytt kontrollkommisjon, og for den kommunale helse- og omsorgstenesta, vil det bli peikt ut ein kontrollkommisjon som skal utføre denne kontrolloppgåva. Helsedirektoratet vil sende informasjon til alle som tidlegare ikkje har hatt kontakt med kontrollkommisjonar, om kva kommisjon som er peikt ut til å kontrollere desse vedtaka.
Webinar om lovendringane
Helsedirektoratet held eit webinar 15. april kl. 12–14 om dei vedtekne lovendringane. Du kan følgje webinaret på nettsida til Helsedirektoratet: https://www.helsedirektoratet.no/konferanser