Informasjonsmøte om styrking av allmennlegetenesta - ALIS-ordning og rettleiing

Nasjonalt er det merksemd rundt problem med rekruttering av fastlegar og Møre og Romsdal er ikkje noko unntak. Fleire kommunar i fylket har aukande utfordringar med å dekke ledige pasientlister med vikarlege eller fastlegar.

Kommunane som utdanningsverksemd har utvida ansvar for at legane skal gjennomføre utdanningsaktivitetar for å bli spesialist (jf. spesialistforskriften § 5). Alle legar som jobbar med pasientar i kommunen si helseteneste må være spesialist i allmennmedisin eller under spesialisering (jf. forskrift om kompetansekrav for leger § 3). Det er kommunen som har ansvar for å legge til rette for den praktiske og økonomiske gjennomføringa av spesialisering.

Helsedirektoratet har gjennom sin handlingsplan for allmennlegetenesta, ulike verkemiddel som vi ønsker å gjere kjend for alle kommunar. I tillegg har vi eit regionalt kontor, ALIS Midt, som skal vere til hjelp for kommunane i deira arbeid med søknadar om tilskot og oppretting av ALIS-avtalar.

Statsforvaltaren ønsker derfor at kommuneleiinga i form av kommunedirektør, kommunalsjef helse og/eller eventuelt leiar for legetenesta stiller på informasjonsmøtet, i tillegg til kommuneoverlege.

Møtet vil være på Teams og innkalling kommer etter påmelding.

Påmelding:  Frist for påmelding er 24. mai 2022 kl 12:00.  Påmeldingsskjema vil du fram til då finne lenger ned på denne sida.  Spørsmål knytt til påmeldinga di rettast på epost til sfmrkurs@statsforvalteren.no eller på telefon 71 25 85 11 / 71 25 84 65.

Stadfesting:  Du vil automatisk motta ei stadfesting direkte på din epost når påmeldinga er gjort.  Om du ikkje mottek slik stadfesting, er du ikkje blitt registrert som deltakar.  Sjekk om du har fylt ut alle felt.