Tilskot til etablering av ACT-, FACT- og FACT ung-team 2026

ACT-, FACT- og FACT ung inngår i Opptrappingsplan for psykisk helse (2023-2033), er nemnt i Førebyggings- og behandlingsreforma for rusfeltet (2024-2025) og Fellesskap og meistring – Bu trygt heime.

Søknad om tilskot 2026

Målet med den nye ordninga er å styrke det heilskaplege, samtidige og tverrfaglege tenestetilbodet til barn, unge og vaksne med psykiske helseutfordringar og rusmiddelbruk gjennom å etablere Assertive Community Treatment (ACT)-, Flexible Assertive Community Treatment (FACT)- og Flexible Assertive Community Treatment for dei mellom 12-25 år (FACT ung)-team.

Kommunar som fekk tilskot under prioritet 1 etter avvikla ordningar og nye søkjarar kan søke om tilskot over den nye ordninga (sjå under). 

Tilskotet skal stimulere til heilskaplege tenester og forpliktande samhandling mellom ulike nivå og sektorar – mellom kommunar og spesialisthelsetenester, mellom kommunale tenester og gjennom interkommunale samarbeid.

Vi oppmodar søkjarane om å setje seg grundig inn i FACT-modellen. Les meir på heimesidene til NAPHA: ACT- og FACT-team - NAPHA Nasjonalt kompetansesenter for psykisk helsearbeid

Vi oppmodar også søkjarane til å lese regelverket nøye før de fyller ut søknads- og rapporteringsskjema.

De finn søknadsskjema, meir informasjon og regelverk på Helsedirektoratet si heimeside: Etablering av ACT-, FACT- og FACT ung-team - Helsedirektoratet

Avvikla tilskotsordningar og rapportering på desse

To tilskot er avvikla frå 2026, og dei nye tilskota Utvikling, etablering og tilpassing av kunnskapsbaserte lågterskeltilbod innan psykisk helse- og rusmiddelfeltet og Etablering av ACT-, FACT- og FACT ung-team skal delvis erstatte dei avvikla tilskota. 

Kommunar som fekk tilskot i dei avvikla tilskotsordningane, skal rapportere på midlane dei fekk tildelt i 2025 innan 1. april 2026. De finn rapporteringsskjema og økonomirapportering på lenkjene for tilskot under. 

Avvikla tilskot:

• Oppfølging av barn og unge med psykiske helseutfordringar og rusmiddelrelaterte problem
• Oppfølging av vaksne med behov for langvarig oppfølging og samansette teneste

Rapporteringsskjema og eigenerklæringsskjemaa sender de som vedlegg i e-post til sfvlpost@statsforvalteren.no.

Digitalt møte om tilskot 23. januar

Vi arrangerer eit digitalt møte om tilskotsordningane vi forvaltar på helse-, sosial- og barnevernsfeltet 23. januar. Meir informasjon og moglegheit for påmelding finn du på følgjande side: Digitalt møte om tilskot på helse-, sosial- og barnevernsfeltet | Statsforvaltaren i Vestland